Per Nielsen, formaður í Landssamtökum fólks með ofþyngd þekkir vel
hvernig það er að upplifa fordóma
Per Nielsen, formaður Landssamtaka fólks með ofþyngd
Í Danmörku eru 800.000 Danir með offitu, margir af þeim eru oft og
tíðum með líkamlega, andlega og félagslega fylgikvilla og lifa
íþyngjandi lífi. Rannsóknir sýna að þeir sem eru með ofþyngd eru
jaðarsettir og verða fyrir einelti – bæði sem börn og fullorðnir. Þeir
sem eru með ofþyngd eiga erfiðara með að eignast vini og fá starf, fá
lægri laun og eru álitnir síðri manneskjur með minni viljastyrk en
grannir einstaklingar. Til viðbótar við fordómana eru einstaklingar
með ofþyngd í aukinni hættu á sjúkdómum og dauða. Segja má að þeir sem
eru með ofþyngd séu útsettur hópur.
Á þeim grundvelli voru Landssamtök fólks með ofþyngd stofnuð árið
1999 með það að markmiði að fá einstaklinga með ofþyngd til að leggja
sitt á vogarskálarnar í umræðunni, á landsvísu, í einstökum byggðum og
í sveitarfélögum, um fyrirbyggjandi aðgerðir og aðgerðir sem á að
framkvæma í baráttunni við ógnvekjandi fjölgun einstaklinga með offitu
í Danmörku.
Frá velmegun til fordóma
Í sögulegu samhengi hefur einstaklingum með offitu alltaf verið lýst
sem ákveðnum hópi með ákveðinn persónuleika. Áður fyrr var litið á
offitu sem merki um velmegun, virðuleika eða lífsgleði. Nú til dags
hefur viðhorfið færst í þá átt að fólk með offitu hafi ekki stjórn á
hlutunum og taki áhættu með tilliti til eigin heilsu.
Við þekkjum þetta vandamál. Viðhorfið að það sé á þeirra eigin
ábyrgð og að þeir stýri því sjálfir hversu þungir þeir eru, er ekki
óþekkt. Við verðum oft vör við þetta viðhorf. Einnig hefur verið sýnt
fram á þetta viðhorf í rannsóknum þar sem allt að 80% dönsku
þjóðarinnar telur að ofþyngd sé á ábyrgð einstaklingsins.
Segja má að einstaklingar með ofþyngd séu útsettur hópur. Setningar
eins og „Bara ef maður vill það nógu mikið...“, „Hvar er
viljastyrkurinn...“. „Borðaðu bara minna...“ eru vel þekktar
setningar. Vísindin hafa enn ekki sýnt fram á tengsl offitu við
ákveðna tegund persónuleika, og því getum við ekki sagt að þeir sem
eru með offitu séu með ákveðin persónuleikaeinkenni. Ólíkt öðrum hópum
sem eru með sjúkdóma eða eiga við misnotkun að stríða, er ómögulegt
fyrir einstaklinga með offitu að fela sína ofþyngd og þeir hafa því
þannig séð aldrei möguleika á því að litið sé á þá öðruvísi en sem
einstaklinga með offitu, með öllum þeim fordómum, augnagotum og
athugasemdum sem því fylgja.
Að hver einstaklingur beri einn ábyrgð á eigin heilsu og þyngd, verður
vonandi brátt úr sögunni
Þegar einstaklingar sem eru með offitu leita til læknis til að fá
hjálp til að létta sig, hefur læknirinn því miður ekki úr mörgum
möguleikum að velja. Það eru því miður ákveðnar hindranir í
meðferðinni, skilningurinn ásamt almennu viðhorfi í tengslum við
offitu, allt eftir því hvort maður er sjúklingur eða meðferðaraðili.
Rannsókn frá 2019 sýnir að það er gjá á milli sjúklinga og
meðferðaraðila þegar horft er til skilningsins á því hver ber ábyrgð á
þyngdartapi. Af aðspurðum heilbrigðisstarfsmönnum voru 71% sem telja
að það sé verkefni sjúklingsins að léttast. Hins vegar getum við
fullyrt að 81% af öllum sjúklingum hafa gert tilraunir til að létta
sig. Við höfum enn ekki orðið vör við það að þessi hópur hafi ekki
viljað gera eitthvað með þyngd sína. Þess vegna er það óheppilegt að
þegar þeir leita eftir hjálp, mæti þeir þessu viðhorfi.
Í hvaða öðrum langvinnum sjúkdómum ætlar maður sjúklingnum að taka
ábyrgð á því að breyta ástandinu?
Þörf er á meiri þekkingu á meðferð við ofþyngd
Sýnt hefur verið fram á að þegar fólk léttist um u.þ.b. 10%
líkamsþyngdar minnkar orkunotkun um u.þ.b.15% meira en búist var við.
Á sama tíma verður breyting á hormónunum sem stjórna matarlyst sem
hefur áhrif á matarlyst viðkomandi. Þess vegna þarf að borða meira til
að finna fyrir seddu, en fyrir þyngdartapið, og þar með verður erfitt
að léttast meira – og sérstaklega að viðhalda þyngdartapinu til langs tíma.
Orsökina fyrir offitu má finna í mjög flóknu kerfi þar sem margir
þættir hafa áhrif á orkujafnvægið. Þekktastir þeirra eru
offituvaldandi efni (obesogenes), erfðafræðilegir, atferlisfræðilegir,
sálfræðilegir og félagslegir þættir. Þess vegna er það viðhorf, að
orsökin sé of lítil hreyfing og of mikið af hitaeiningaríkum mat, ofureinföldun.
Deila
Við þurfum að breyta viðhorfum og auka forvarnir og meðferð fyrir
fólk með offitu – í öllum greinum.
Margir meðferðaraðilar, sem daglega veita sjúklingum með offitu
ráðgjöf, þekkja því miður ekki til þessara þátta. Þegar sjúklingurinn
mætir þessu viðhorfi geta afleiðingarnar orðið minni sjálfsvirðing,
sektarkennd, skömm og sjálfsásakanir, sem hjá sumum getur þróast yfir
í átröskun.
Þess vegna þurfum við að breyta viðhorfum og auka forvarnir og
meðferð fyrir fólk með offitu – í öllum greinum. Og það sem ræður
úrslitum er hvort við verðum betri í að skilja hvert annað og tala við
hvert annað, ef við ætlum að fá sjúklinga til að leita til
heilbrigðiskerfisins eftir hjálp. Sérstaklega á byrjunarstigi ofþyngdarinnar.
Gott væri að byrja á að forgangsraða skyldunámsefni fyrir ýmsar
heilbrigðisstéttir. Það þarf einfaldlega að kenna og fræða um offitu
og orsakir hennar ásamt meðferðarmöguleikum.
Þú ert ekki of þung/-ur, þú ert með ofþyngd
Nákvæmlega þessa setningu eiga allir í öllum greinum að hafa
tileinkað sér sem hluta af sínum orðaforða. Við stöndum frammi fyrir
mjög mikilvægri áskorun. Auk þess að valda einstaklingum alvarlegum
afleiðingum, kostar offita samfélagið mikla fjármuni. Nauðsynlegt er
að við látum frá okkur það útbreidda og úrelta viðhorf að meðferð
vandamála í tengslum við þyngd, þyngdaraukningu og þyngdartap sé
eingöngu smækkuð niður í sambandið á milli orkuinntöku og orkunotkunar.
Við eigum að fá sjúklingana markvisst meira inn í umræðuna og hlusta
á sögu þeirra, þeir eru þrátt fyrir allt sérfræðingarnir í sínu eigin
lífi og mögulegum áskorunum. Nákvæmlega sú vinna að fá fram sjónarhorn
sjúklinganna teljum við að geti leitt til betri meðferðar og dregið úr
fordómum gagnvart þeim sem eru með offitu, til langs tíma – og þess
vegna höldum við baráttunni áfram.
Heilmildir
Sundhedsstyrelsens Nationale Sundhedsprofil:
https://www.sst.dk/da/udgivelser/2018/~/media/73EADC242CDB46BD8ABF9DE895A6132C.ashx
A j Stunkard, T A Wadden. Psychological aspects of severe
obesity. The American Jounal of Clinical Nutrition, volume 55, Issue
2, February 1992, Pages 524S-532S
Ryden A, Sullivan M, Torgerson, JS et al. 2003. Severe obesity
and personality: a comparative controlled study of personality
traits. Int J Obes Relat Metab Disord;27(12):1534-1540
Fáðu einstaklingsbundna meðferðaráætlun við offitu. Gerðu lækninn að
samstarfsaðila þínum
Offita er flókinn sjúkdómur, en það þarf meðferðin ekki að vera.
Heilbrigðisstarfsfólk hefur þekkingu og verkfæri til að útbúa
meðferðaráætlun, sem virkar fyrir þig.
Tina Vilsbøll er prófessor og yfirlæknir og hún telur að meðferðaraðilar
ættu að vera miklu færari í því að grípa tækifæri til umræðna þegar þeir
taka á móti sjúklingi með offitu. Einnig dreymir hana um að meðferð
einstaklinga með offitu verði allt önnur í framtíðinni.
Líkaminn er flókinn og þyngdartap og viðhald þyngdartaps er umfangsmikið
verkefni. Sten Madsbad, prófessor og yfirlæknir, segir hér frá því hvers
vegna líkaminn er svona flókinn og hvaða þýðingu þyngdartap hefur þegar
kemur að fylgisjúkdómum.
The site you are entering is not the property of, nor managed by,
Novo Nordisk. Novo Nordisk assumes no responsibility for the content
of sites not managed by Novo Nordisk. Furthermore, Novo Nordisk is not
responsible for, nor does it have control over, the privacy policies
of these sites.