Þú hefur ef til vill nú þegar hafið ferðalagið þitt í áttina að þyngdartapi, en án þess að ná miklum árangri. Eða þú ert ef til vill rétt að byrja og ert óviss með hvaða stefnu þú átt að taka. Í báðum tilfellum á næsta skref að vera að finna meðferðaraðila sem hefur menntun á sviði offitu. Í sameiningu getið þið fundið orsakirnar fyrir offitunni og hindranirnar, sem hugsanlega koma í veg fyrir að eitthvað sé að gert.
Það er mikilvægt að þú áttir þig á hvert hlutverk þitt er í þessu
öllu saman. Því skaltu skrifa hjá þér, eða taka vin eða
fjölskyldumeðlim með þér í viðtalið. Og ef þú ert ekki viss um
eitthvað, hikaðu þá ekki við að spyrja! Þú getur líka ef til vill
komið með tillögur um það hvernig hægt sé að bæta meðferðina
þína.
Láttu það ekki koma þér á óvart ef spurt er um hvernig þyngdin þín hefur þróast fram að þessu og hvað þú hafir gert til að reyna að hafa stjórn á þyngdinni. Mikilvægt er að upplýsa um fyrri og núverandi sjúkdóma – og hvort þú notir einhver lyf. Hugsanlega talið þið líka um mataræðið þitt, svefninn og skapið – og hvort breytingar hafi orðið þar á með tímanum.
Næsta skref er svo að tala um meðferðarmöguleika sem henta þér, sem byggjast á þínum einstaklingsbundnu þörfum. Það eru til margir mismunandi vísindalega viðurkenndir meðferðarmöguleikar, og þú hefur aðgang að þeim í gegnum lækninn. Til dæmis hollt mataræði og líkamleg hreyfing, atferlismeðferð, lyf við offitu og offituaðgerðir. Þín persónulega áætlun um þyngdarstjórnun mun fela í sér margs konar meðferð, sem byggist á þínum aðstæðum.
Þegar á að setja markmið í þyngdarstjórnun, er gott að vita að þyngdartap sem er fimm prósent eða meira getur haft jákvæð áhrif á heilsuna.
„Góð markmið geta gefið innblástur til lífsstílsbreytinga. Það gengur best þegar markmiðin eru raunhæf og þegar þú ert með þau á hreinu.“
En markmið eru meira en tölur yfir þyngd. Góð markmið geta gefið innblástur til lífsstílsbreytinga. Það gengur best þegar markmiðin eru raunhæf og þegar þú ert með þau á hreinu. Þú og læknirinn ákveðið hvernig þið mælið árangurinn af áætluninni sem er sérhönnuð fyrir þig.
Að bæta heilsuna er eitt markmið, en það eru mörg önnur markmið sem þú getur undirbúið og rætt við lækninn. Það getur verið:
Mundu, að þú ert sérfræðingurinn um þitt líf. Það ert þú sem veist best hvað fær þig til að líða betur og hvað verkar hvetjandi á þig. Við erum ólík hvert öðru og læknirinn mun meta það að þú segir frá því hvaða hugmyndir þú hefur.
Eins og við á um öll ferðalög hefur þyngdartap sínar uppsveiflur og niðursveiflur. Og til þess að ferðin verði árangursrík þarftu að fara í gegnum erfiðu tímabilin án þess að gefast upp. Sem betur fer getur læknirinn hjálpað þér að undirbúa þig fyrir erfiðu tímabilin.
Algengur áfangi, sem veldur oft vonbrigðum, á leiðinni að þyngdarstjórnun er þyngdarstöðnun. Það er þegar þyngdin nær stöðugleika eftir þyngdartap í ákveðinn tíma. Þessi þyngdarstöðnun getur haft fráhrindandi áhrif, en hún er alveg eðlileg og gerist yfirleitt – eða jafnvel alltaf – þegar um vel heppnað og viðvarandi þyngdartap er að ræða.
Læknirinn er lykilaðili í því að finna nýja leið, þannig að þú getir sigrast á erfiðum augnablikum eins og þyngdarstöðnuninni. Með tilliti til þinna markmiða getur læknirinn valið að setja meiri kraft í meðferðina eða hreinlega viðhalda því þyngdartapi sem þú hefur náð.
Að takast á við offitu er ævilangt ferli. Fyrir marga er það einmana barátta, sem getur virst nokkuð vonlaus. En hún þarf ekki að vera það. Sífellt fleiri læknar þekkja nýjustu rannsóknir á offitu og hafa þá nauðsynlegu þekkingu sem þarf til að veita meðferð við henni. Að finna rétta lækninn til samstarfs getur verið fyrsta skrefið að betri heilsu og meiri lífsgæðum.
The site you are entering is not the property of, nor managed by, Novo Nordisk. Novo Nordisk assumes no responsibility for the content of sites not managed by Novo Nordisk. Furthermore, Novo Nordisk is not responsible for, nor does it have control over, the privacy policies of these sites.
