Eftir Tinu Vilsbøll, prófessor við háskólann í Kaupmannahöfn og
yfirlækni á Steno Diabetes Center Copenhagen
Ofþyngd er ekki eitthvað sem skapast á einni viku eða mánuði. Hún
þróast yfirleitt á mörgum árum. Við sem meðferðaraðilar eigum að þora
að sá fræjum og opna á samtal við okkar sjúklinga, jafnframt því að
vera til staðar til stuðnings og til hvatningar þegar erfiðlega
gengur. Það er líka sjaldgæft að einstaklingar með offitu leiti til
læknis með ofþyngd sem ástæðu komunnar. Oft koma sjúklingar sem eru of
þungir vegna þess að þeir hafa verk í hné, háan blóðþrýsting,
kæfisvefn, eru daprir eða útaf einhverju allt öðru.
Ofþyngd er ennþá mjög mikið tabú og fólk upplifir mikla fordóma í
tengslum við ofþyngd. Áskorunin er því sú, að margir sjúklingar telja
nánast ómögulegt að breyta þessu og því sé alveg eins gott að láta
vera að tala um það – og það er þess vegna sem við sem meðferðaraðilar
eigum að vera opin fyrir því að hefja samtalið þegar tækifæri gefst og
rétta fram hjálparhönd með það fyrir augum að veita stuðning.