Á 40 sekúndna fresti fær einhver hjartaáfall eða heilablóðfall. Þessi tilvik, sem venjulega eru nefnd hjarta- og æðakvillar, eru ein helsta dánarorsökin í samfélaginu í dag. Góðu fréttirnar eru þær að hægt er að koma í veg fyrir fjögur af hverjum fimm dauðsföllum af völdum hjarta- og æðasjúkdóma og er þyngd mikilvægur þáttur í góðri hjartaheilsu.
Meira en 80% þeirra sem fá hjartaáfall eða heilablóðfall eru í yfirþyngd eða með offitu. Mikill og vanvirkur fituvefur í líkamanum getur valdið bólgum í æðum sem liggja að hjartanu og það getur leitt til hjartaáfalls. Stífar slagæðar geta einnig aukið hættuna á blóðtöppum sem geta farið upp í heila og valdið heilablóðfalli. Þetta ferli er þekkt sem æðakölkun.
Þættir sem auka áhættu einstaklings á æðakölkun, eins og hækkaður blóðsykur, blóðþrýstingur og kólesteról, geta einnig tengst offitu.
Því miður munu 50% þeirra sem hafa fengið hjartaáfall eða heilablóðfall fá annað seinna á lífsleiðinni sem veldur því að þessir einstaklingar þurfa að lifa við ótta, verki eða skerta líkamlega getu og í alvarlegustu tilvikunum leiðir þetta til dauðsfalls.
Sem betur fer er hægt að draga úr hættunni á dauðsfalli af völdum hjarta- og æðakvilla með tilkomu betri greiningaraðferða og meðhöndlun áhættuþátta snemma. Í dag er í raun hægt að koma í veg fyrir 80% þeirra dauðsfalla sem verða af völdum hjartaáfalls eða heilablóðfalls en flest dauðsföll sem hægt er að koma í veg fyrir eru af völdum hjarta- og æðasjúkdóma, sem eiga oft rætur sínar að rekja til yfirþyngdar eða til offitu.
Rannsóknir sýna að þeir sem missa 10% eða meira af líkamsþyngd sinni minnka hættuna á því að fá hjartaáfall eða heilablóðfall, sem ekki leiðir til dauðsfalls, um allt að 24%. Það er vegna þess að þyngdartap hefur góð áhrif á blóðþrýsting og lækkar blóðfitu sem síðan kemur í veg fyrir æðakölkun og myndun blóðtappa.
Jafnvel getur það að missa 5% líkamsþyngdar haft í för með sér ávinning fyrir hjartað. Vissir þú að það að missa 5% líkamsþyngdar (yfirleitt u.þ.b. 3-5 kg hjá þeim sem eru með líkamsþyngdarstuðul (BMI) 30) getur gert það að verkum að þú sefur lengur og gæði svefnsins verða betri? Það er margs konar annar ávinningur tengdur heilsu sem fylgir því að missa 5 - 15% líkamsþyngdar – fáðu frekari upplýsingar með því að lesa fleiri greinar á þessari síðu.
Það að missa 13% líkamsþyngdar getur dregið úr hættunni á að fá ákveðna fylgikvilla offitu.
Fyrir flesta sem lifa með offitu reynist erfitt að missa 10% líkamsþyngdar án aðstoðar. Þar sem ekki er til nein ein meðferðaráætlun sem hentar öllum, er fyrsta skrefið fyrir alla sem ætla að létta sig að ráðfæra sig við lækni.
Læknirinn ræðir við þig um ýmsar leiðir sem hægt er að fara til að ná tökum á þyngdinni. Til að byrja með skoðar læknirinn hvernig mataræði þú ert á og hvernig líkamsþjálfun er háttað, þó svo að eins og flestir sem lifa með offitu, þá líður þér hugsanlega eins og þú hafir verið í megrun alla ævi! Læknirinn skoðar hugsanlega aðra möguleika varðandi meðferð. Þetta geta verið:
Það er mikilvægt að hafa í huga þegar vegferð til þyngdartaps er hafin að þú ert ekki ein/einn. Á heimsvísu lifa 764 milljónir fullorðinna með offitu og fyrir árið 2030 er áætlað að þessi tala fari yfir einn milljarð. Ef þú vilt fá upplýsingar um mismunandi aðferðir til þyngdarstjórnunar skaltu hafa samband við lækninn eða leita ráða hjá heilbrigðisstarfsmanni.
IS/HQ22OB00204
The site you are entering is not the property of, nor managed by, Novo Nordisk. Novo Nordisk assumes no responsibility for the content of sites not managed by Novo Nordisk. Furthermore, Novo Nordisk is not responsible for, nor does it have control over, the privacy policies of these sites.
